जळगाव ( प्रतिनिधी ) – तिप्पट पैसे करून देण्याचे आमिष दाखवत २ लाख रूपयांची फसवणूक करणाऱ्या तिघांवर एमआयडीसी पोलीसात गुन्हा दाखल करण्यात आला आहे.
नथ्थू काशीनाथ कोळी (वय-४६ , रा. बाळापूर फागणे ता.जि. धुळे ) चालक असल्याने खासगी वाहनाने जळगाव जिल्ह्यातदेखील येणे जाणे करतात १८ मार्चरोजी सकाळी ते जळगावात आले. त्यांची भैय्या महाजन (पुर्ण नाव माहित नाही), एक अनोळखी व्यक्ती आणि मोबाईल क्रमांक ९१७५०८७३२९ धारक यांची ओळख झाली. तिघांनी नथ्थू कोळी यांचा विश्वास संपादन करून घेतला. त्यांनी तुमचे पैसे तिप्पट करून देतो असे आमिष दाखविले. नथ्थू कोळी यांनी जवळ असलेले दोन लाख रूपये दिले. नंतर तिघांनी सहा लाख रूपये भरलेले बनावट नोटांची बॅग नथ्थू कोळी यांना देवून पसार झाले. आपली फसवणूक झाल्याचे लक्षात आल्यानंतर नथ्थू कोळी यांनी दुपारी एमआयडीसी पोलीस ठाण्यात तक्रार दिली. त्यांच्या तक्रारीवरून एमआयडीसी पोलीस ठाण्यात भय्या महाजन (पुर्ण नाव माहित नाही), एक अनोळखी व्यक्ती आणि मोबाईल क्रमांक ९१७५०८७३२९ धारक यांच्यावर गुन्हा दाखल करण्यात आला आहे. पुढील तपास पोलीस उपनिरीक्षक निलेश गोसावी करीत आहेत.
