फैजपूर ( प्रतिनिधी ) – यावल तालुक्यातील मुलीच्या भावाला धक्का देत दोन जणांनी दुचाकीवरून पळवून नेले फैजपूर पोलीस ठाण्यात दोन जणांविरोधात गुन्हा दाखल करण्यात आला आहे.
यावल तालुक्यातील एका गावात मुलगी कुटुंबियांसह वास्तव्याला आहे. फैजपूर येथे खंडोबा यात्रेच्या निमित्ताने मुलगी, तिचा भाऊ आणि नातेवाईक असे तिघेजण २० मार्च रोजी दुपारी आले होते. दुपारी पिडीत मुलीसह तिचा भाऊ आणि नातेवाईक घरी जात होते. त्याचवेळी जीवन अशोक भालेराव ( रा. भालोद ता. यावल ) आणि आकाश संजय भागेश्वर ( रा. सावदा ता. रावेर ) हे दुचाकीवर आले. दोघांनी पीडीत मुलीच्या भावाला व नातेवाईकाला धक्का दिला व “मुलीला सोडले नाही तर मी तुला जिवंत सोडणार नाही” अशी धमकी देवून पिडीत मुलीला दुचाकीवर बसवून पसार झाले.
या फिर्यादी दोघांनी लागलीच फैजपूर पोलीस ठाण्यात तक्रार दिली. त्यांच्या तक्रारीवरून संशयित आरोपी जीवन भालेराव आणि आकाश भागेश्वर यांच्या विरोधात गुन्हा दाखल करण्यात आला आहे. पुढील तपास पोलीस उपनिरीक्षक मोहन लोखंडे करीत आहेत.
