सावदा, ता. रावेर ( प्रतिनिधी ) – दोन दुचाकींची वळणावर समोरा – समोर धडक झाली असून यात एक जण ठार झाला असून दोन जखमी झाले आहेत.
या बाबत अधिक माहिती अशी की, सावदा ते कोचूर रस्त्यावरील पहिल्या वळणावर आज दोन दुचाकींची समोरा – समोर जोरदार टक्कर झाली. या अपघातात एक जण ठार झाला असून दोन जखमी झाले आहेत. दुपारी बारा वाजेच्या सुमारास हा अपघात घडल्यानंतर परिसरातील ग्रामस्थांनी घटनास्थळी जावून जखमींना हॉस्पिटलला दाखल केले.
याबाबत पोलीस सूत्रांनी दिलेल्या माहितीनुसार ( एमएच १५ ,डीव्ही – १३०६ ) आणि ( एमएच – १९ ) ( डीजी ८४६७ ) क्रमांकांच्या बाईक यांची समोरा – समोर टक्कर झाली. यात कुणाल मधुकर साळी यांचा ठार झाला असून यश किशोर धांडे आणि पुष्कर हेमा बढे हे दोन जण जखमी झाले आहेत. जखमी झालेले दोन्ही जण हे चिनावल येथील रहिवासी असून त्यांना फैजपूर येथील खासगी हॉस्पिटलला दाखल करण्यात आले आहे. तर, याबाबत सावदा पोलीस स्थानकात नोंद करण्याचे काम सुरू होते.
