नवी दिल्ली (वृत्तसंस्था) – ज्येष्ठ उद्योजक गौतम अदानी यांची कंपनी अदानी ग्रीन एनर्जी लिमिटेडने सॉफ्टबँक ग्रुपची सहाय्यक एसबी एनर्जी इंडियाची (SB Energy ) खरेदी केली आहे. हा करार 3.5 अब्ज डॉलर्स म्हणजेच सुमारे 24,000 कोटी रुपयांमध्ये पूर्ण झाला आहे. असे मानले जात आहे की, भारताच्या रिन्यूएबल सेक्टरच्या इतिहासातील ही सर्वात मोठी डील आहे. अदानी एनर्जीने सॉफ्टबँक ग्रुप आणि भारती ग्रुपकडून ही कंपनी खरेदी केली आहे. अदानी ग्रीनने सॉफ्टबँक ग्रुप आणि भारती ग्रुपच्या एसबी एनर्जीमध्ये अनुक्रमे 80 टक्के आणि 20 टक्के हिस्सा खरेदी केला आहे. या कराराची माहिती कंपनीने बुधवारी दिली आहे.
गौतम अदानी काय म्हणाले ते जाणून घ्या
अदानी समूहाचे अध्यक्ष गौतम अदानी म्हणाले की,’सॉफ्टबँक आणि भारती ग्रुपने ज्या मालमत्ता तयार केल्या आहेत त्या ‘उत्कृष्ट’ आहेत आणि त्यांचा वारसा पुढे आणण्यात कंपनीला अभिमान आहे.’ ते पुढे म्हणाले की,’ जानेवारी 2020 मध्ये आमच्या दृष्टीकोनातून हा करार आणखी एक पाऊल आहे. यामध्ये 2025 पर्यंत जगातील सर्वात मोठी सौर कंपनी आणि त्यानंतर 2030 पर्यंत जगातील सर्वात मोठी नूतनीकरण करणारी कंपनी बनवण्याची आमची योजना आहे.
एसबी एनर्जी इंडिया जवळ भारताच्या चार राज्यांत पसरलेल्या 4,954 मेगावॅट एकूण renewable portfolio आहे. पूर्वी एसबी एनर्जी (Canadian Pension Plan Investment Board (CPPIB) बरोबर चर्चा सुरु होती परंतु इव्हॅल्यूएशनच्या मतभेदांमुळे ती मोडली होती. यानंतर, अदानी ग्रीन एनर्जीशी त्यांचे बोलणे तीव्र केले.
या अधिग्रहणात अदानी ग्रीनमध्ये 4954 मेगावॅटची भर पडेल. कंपनीच्या पोर्टफोलिओमध्ये सोलर, विंड आणि सोलर-विंड हाइब्रिड प्रोजेक्ट समाविष्ट आहेत. त्यापैकी 1,400 मेगावॅट प्रकल्प कार्यरत असून उर्वरित ऑपरेशनलवर आहेत. सर्व प्रोजेक्ट मध्ये 25 वर्षांचा वीज खरेदी करार आहे. या करारामुळे अदानी ग्रीनची क्षमता 24,300 मेगावॅटपर्यंत वाढली आहे.
