जळगाव (प्रतिनिधी) – जळगाव जिल्हा कोवीड रूग्णालयाकडून प्राप्त झालेल्या आज शनिवार दि. १९ डिसेंबरच्या अहवालातून जिल्ह्यात ४२ कोरोनाबाधित रूग्ण आढळून आले आहे. तर ४५ रूग्णांनी कोरोनावर मात केली आहे. आज ७ तालुके निरंक आल्याचे दिसून आले आहे.
जळगाव ग्रामीण, अमळनेर, चोपडा, यावल, एरंडोल, जामनेर आणि बोदवड तालुक्यातील रूग्ण संख्या निरंक आली आहे. तर जळगाव शहर- २८, भुसावळ-९, पाचोरा-१, भडगाव-१, धरणगाव-२, रावेर-१, चाळीसगाव-१, मुक्ताईनगर-१ असे एकुण ४३ रूग्ण बाधित आढळून आले आहे.
आज शनिवार दि. १९ डिसेंबरच्या आकडेवारीनुसार जिल्ह्यातील रूग्ण संख्या ५५ हजार ३२८ बाधित रूग्ण आढळले आहे. यातील ५३ हजार ६३७ रूग्ण कोरोनामुक्त झाले आहे. तर ३५४ रूग्ण विविध कोवीड सेंटरला उपचार घेत आहे. विशेष म्हणजे आज एकाही बाधित रूग्णाचा मृत्यू झालेला नाही. अशी माहिती जिल्हा कोवीड रूग्णालयाच्या वतीने कळविण्यात आले आहे.
