जळगांव (प्रतिनिधी) – शहरातील तांबापूर परिसरातील अंगणवाडीला मौलाना आझाद अल्पसंख्याक फाऊंडेशनतर्फे शैक्षणिक (मोठा फडा, खडू बॉक्स, डस्टर ) साहित्य भेट देण्यात आले.
प्रमुख पाहुणे म्हणून कुंभार समाजाचे चंद्रशेखर कापडे उपस्थित होते. बालकांना अक्षर ओळख व शाळेत बसण्याची सवय होणे गरजेचे आहे असे चंद्रशेखर कापडे यांनी सांगितले. अंगणवाडीतील बालकांनी पाहुण्यांचे पुष्प देऊन स्वागत केले.
या वेळी उपस्थित नारीशक्ती संस्थेच्या अध्यक्षा मनीषा पाटील, मौलाना आझाद अल्पसंख्याक फाऊंडेशनचे अध्यक्ष फिरोज शेख, संस्कार ऊर्जा संस्थेच्या अध्यक्षा सपना श्रीवास्तव शाह, छप्परबंद संघटनेचे अध्यक्ष अजमल शाह, अंगणवाडी सेविका मीना परदेशी, मदतनीस कमल वाणी आदी उपस्थित होते.
या कार्यक्रमाला शिक्षक नागेश सोनार, चंद्रशेखर कापडे यांचे सहकार्य लाभले. आभार प्रदर्शन मीना परदेशी यांनी केले.
