अमळनेर ( प्रतिनिधी ) – शहरातील शिरूड फाट्याजवळ दीड लाख रूपये किंमतीच्या ओलसर गांजासह तरूणाला अमळनेर पोलीसांनी अटक केली आहे. अमळनेर पोलीस ठाण्यात गुन्हा दाखल करण्यात आला.
अमळनेर शहरातील शिरूड फाट्याजवळ संशयित आरोपी संतोष अशोक ढिवरे ( रा. ताडेपुरा टाकरखेडा) कापडी पिशवीत १ लाख ५० हजार रूपये किंमतीचा १० किलो ३८६ गॅम ओलसर गांजा विक्रीसाठी आणणार असल्याची गोपनिय माहिती अमळनेर पोलीसांना मिळाली. पोलीसांनी सायंकाळी धडक कारवाई करत संशयित आरोपी संतोष ढिवरे याला ताब्यात घेवून चौकशी केली त्याच्याजवळ सापडलेला ओलसर गांजा . पोलीसांनी हस्तगत केला पो.कॉ. सुर्यकांत साळुंखे यांच्या फिर्यादीवरून आरोपी संतोष ढिवरे याच्या विरोधात गुन्हा दाखल करण्यात आला पुढील तपास पोलीस निरीक्षक जयपाल हिरे करीत आहेत.
