दहिगाव, ता. यावल (प्रतिनिधी) – आतापर्यंत व या आधीची पाच महिने कोरोनाला अटकाव असलेल्या व कोरोना पासून दूर असलेल्या मोहराळा गावात ५ व्यवसायिक व्यक्ती पॉझिटिव्ह आढळून आलेल्या आहेत.
प्राथमिक आरोग्य केंद्र सावखेडासिम, ता. यावल अंतर्गत मोहराळा येथे कोविड-19 साठी आरटीपीसीआर टेस्ट शिबिर वैद्यकीय अधिकारी डॉ. गौरव भोईटे यांच्या मार्गदर्शनाखाली आयोजित करून २५ व्यक्तींचे स्वॅब घेण्यात आले होते. यात ५ व्यवसायिक पॉझिटिव मिळून आल्याने मोहराळे येथे कोरोना चा शिरकाव झाल्याचे दिसून आलेले आहे.
यावल तालुक्यातील ग्रामीण भागात कोविंड 19 चा प्रादुर्भाव दररोज वाढत आहे. याचे लक्षणे असलेले रुग्ण सतत लक्षणे बदलत आहेत. त्यामुळे मृत्यू दर कमी करून तो रोखता यावा व रुग्णाला पहिल्या पायरीवर ओळखून , रुग्णाचे लवकर निदान होऊन तो वाचावा. व तो लवकर अलगीकरण झाला तर इतर आजूबाजूचे १५ व्यक्ती तो संक्रमित होण्यापासून वाचवतो. या अनुषंगाने प्रा. आ. केंद्र सावखेडासिम अंतर्गत कार्यक्षेत्रातील गावात व्यवसायिक व्यक्ती , खाजगी डॉक्टरांकडून मिळालेले संशयित रुग्ण , तसेच comorbid-प्रतिकारशक्ती कमी असलेले अशा सर्व व्यक्तींचे ता. आरोग्य अधिकारी डॉ. हेमंत ब-हाटे व वैद्यकीय अधिकारी डॉ. गौरव भोईटे यांच्या मार्गदर्शनाखाली स्वॅब घेण्यात येत आहेत.
मोहराळा येथे शिबिरात २५ आरटीपीसीआर टेस्ट साठी स्वॅब घेण्यात आले होते. यात गावातील ५ व्यवसायिक व्यक्ती पॉझिटिव्ह मिळून आलेले आहेत.
सदर स्वॅब वैद्यकीय अधिकारी डॉ. गौरव भोईटे , आरोग्य सेवक अरविंद जाधव , कल्पेश पाटील यांनी घेतले व त्यांना श्री प्रवीण सराफ , राजेंद्र बारी , दिवाकर सुरवाडे , व समीर तडवी यांनी मदत केली.
शिबीर यशस्वीतेसाठी जुगरा तडवी, आशा सेविका निर्मला पाटील, योगिता पाटील, कल्पना पाटील यांनी परिश्रम घेतले.
यावेळी उपसरपंच वासुदेव पाटील, पोलीस पाटील युवराज पाटील , यांनी गावात जनजागृती करून शिबिरात सहकार्य केले.
