जळगाव ( प्रतिनिधी ) – कोल्हापूर उत्तर विधानसभा मतदारसंघाच्या पोटनिवडणुकीमध्ये महाविकास आघाडीच्या जयश्री जाधव विजयी झाल्याबद्दल जळगाव काँग्रेस कमिटी कार्यालयात महाविकास आघाडीकडून फटाके फोडून , एकमेकांना पेढे भरवून आनंदोत्सव साजरा करण्यात आला.
कोल्हापूर पोटनिवडणुकीत कॉंग्रेसच्या उमेदवार जयश्री जाधव यांनी विजय संपादन केल्यानंतर जळगावातील महाविकास आघाडीच्या पदाधिकार्यांनी आज आनंदोत्सव साजरा केला. याप्रसंगी महापौर जयश्री महाजन, शिवसेनेचे महानगराध्यक्ष शरद तायडे, राष्ट्रवादीचे महानगराध्यक्ष अशोक लाडवंजारी, कॉंग्रेसचे महानगराध्यक्ष शाम तायडे यांच्यासह अन्य पदाधिकारी उपस्थित होते.
