जळगाव (प्रतिनिधी) – भारतरत्न डॉ.बाबासाहेब आंबेडकर यांच्या 131 व्या जयंतीनिमित्त पिंप्राळा परिसरातील सोनी नगरमध्ये विविध कार्यक्रम जल्लोषात पार पडले.
या सोहळ्याला सकाळी धम्म रॅलीने प्रारंभ करण्यात आला . यावेळी परिसरातील महिला, युवक, ज्येष्ठ नागरिक मोठया संख्येने उपस्थित होते. त्यानंतर गौतम बुद्ध व डॉ. बाबासाहेब आंबेडकर यांच्या मूर्तीला माल्यार्पण स्वयंभू महादेव बहुउद्देशिय संस्थेचे अध्यक्ष नरेश बागडे, कैलास कोळी , हुडको परिसरातील सामाजिक कार्यकर्ते जाकीर पठाण, विजय निकम, विनोद निकमयांच्या हस्ते करण्यात आले. निकिता सोनवणे, नेहा सोनवणे, प्रियांका सोनवणे, प्रणाली भालेराव, स्नेहा सपकाळे यांनी परित्राण पठण केले. दुपारी अन्नदानाचा कार्यक्रम पार पाडला.
कार्यक्रम यशस्वीतेसाठी नगरसेवक सुरेश सोनवणे, अतुल बारी, नरेश बागडे, सरदार राजपूत ,नगरसेवक शफी शेख शरीफ, विनोद निकम, प्रकाश जाधव, विनोद लोखंडे, उमेश निंबाळकर, सागर बांगर, मुयर भालेराव, सागर सुरडकर, आकाश सोनवणे, चंद्रकांत ननवरे, प्रितेश मसाने, प्रेम भालेराव, संदीप सोनवणे, मयुर सोनवणे, भीमराव सोनवणे, किरण हिवाळे, कडू हिवाळे, राजू कांबळे आदीनी परिश्रम घेतले.
