जळगाव ( प्रतिनिधी ) – शहरातील मोहाडी रोडवर शतपावली करणाऱ्या ५० वर्षीय महिलेच्या गळ्यातील मंगलपोत चोरट्यांनी धूमस्टाईल लंपास केल्याची घटना 11 मार्च रोजी रात्री 8 वाजता घडली. रामानंद नगर पोलीस स्थानकात अज्ञात चोरट्यांविरुद्ध गुन्हा नोंद करण्याचे काम सुरू आहे.
मोहन नगरातील रहिवाशी वैशाली प्रकाश पाचपांडे (वय – ५०) हे महाबळ येथून मोहाडी रोडकडे शतपावली करीत असतांना अज्ञात चोरट्यांनी दुचाकीने येऊन १ लाख रुपये किंमतीची दोन तोळ्याची सोन्याची मंगलपोत लंपास केल्याची घटना घडली. अज्ञात चोरटे हे अल्पवयीन असल्याची माहिती मिळाली आहे. घटनास्थळी अप्पर पोलीस अधीक्षक चंद्रकांत गवळी यांनी भेट दिली. पोलिसांचा सीसीटीव्ही कॅमेराच्या आधारावर तपास सुरू आहे. रामानंदनगर पोलिस स्थानकात अज्ञात चोरट्याविरुद्ध गुन्हा दाखल करण्यात आला आहे.
