चाळीसगाव ( प्रतिनिधी ) – पिकअप व्हॅनमध्ये चार बैलांना निर्दयतेने कोंबून वाहतूक करणाऱ्या दोघांना मेहुणबारे पोलीसांनी अटक केली आहे. चारही बैलांची सुटका करण्यात आली असून मेहुणबारे पोलीस ठाण्यात गुन्हा दाखल करण्यात आला आहे.
पिलखोड गावातील मारोती मंदीराजवळून चार बैलांची निर्दयतेने कोंबून वाहतूक करत असल्याची गोपनिय माहिती स पो नि तुषार देवरे यांना मिळाली. त्यानुसार मेहुणबारे पोलीसांनी १० जून रोजी रात्री कारवाई करत वाहन ताब्यात घेतले चारही बैलांची सुटका करण्यात आली मेहुणबारे पोलीस ठाण्यात संशयित आरोपी शोएब खान ईकबाल खान (वय-२४) आणि अनिस खान हमिद खान (वय-२५ , दोन्ही रा. चाळीसगाव ) यांच्या विरोधात गुन्हा दाखल करण्यात आला पुढील तपास पो ना अनवर तडवी करीत आहेत.
