जळगाव (प्रतिनिधी) – एलसीबीला मिळालेल्या गोपनीय माहितीनुसार जळगाव शहरातील विविध भगातून तसेच जिल्ह्यातून दुचाकी चोरी करीत असल्याच्या संशयावरून एलसीबीच्या पथकाने एका इसमास अटक केली आहे.
स्थानिक गुन्हे शाखेचे पोलीस निरीक्षक किरण बकाले यांना मिळलेल्या माहितीवरून त्यांनी विजयसिंग पाटील, जितेंद्र पाटील, प्रीतम पाटील, राहुल पाटील, नितीन बाविस्कर यांचे पथक स्थापन केले होते. पथकाने चाळीसगाव शहरात बसस्थानकाजवळ असलेल्या संकुलाजवळून शफी खान अन्वर खान पठाण या इसमास ताब्यात घेतले. त्याच्याकडे चोरीच्या वाहनांबाबत विचारपूस करण्यात आली आहे. त्याच्याकडून चाळीसगाव, भडगाव, पाचोरा, जळगाव शहर पिंपळगाव हरेश्वर आदी ठिकाणी चोरी केलेल्या दुचाकी मिळून येण्याची शक्यता आहे. त्याला पुढील तपासासाठी जिल्ह्यापेठ पोलीस स्टेशनच्या ताब्यात देण्यात आले आहे.
