जळगाव ( प्रतिनिधी ) – जळगाव शहरातील शिवाजीनगर भागात एका तरुणाची विस हजार रुपये किंमतीची दुचाकी अज्ञात चोरट्याने चोरून नेली आहे. याबाबत जळगाव शहर पोलीस ठाण्यात अज्ञात चोरट्यांवर गुन्हा दाखल करण्यात आला आहे.
शहर पोलिसांनी दिलेल्या माहितीनुसार योगेश दिलीप खर्चाने (वय – ३०) रा. हरिओम नगर, जुना आसोदा रोड, जळगाव हा तरुण आपल्या कुटुंबियांसह रहायला आहे. इलेक्ट्रिकचे काम करून आपला उदरनिर्वाह करतो. मंगळवार ९ ऑगस्ट रोजी सकाळी १० वाजता तो शिवाजीनगर भागाकडील रेल्वे स्टेशनच्या बाजूला असलेल्या एका वॉल कंपाऊंडजवळ दुचाकी (एमएच १५ एएफ ७६८१) ने आला होता. त्यावेळी त्याने कंपाऊंडच्या शेजारी असलेल्या दत्त मंदिराजवळ दुचाकी पार्किंगला लावून कामानिमित्त निघून गेला. त्यानंतर काम आटोपून घरी परत आला असता त्याला जागेवर दुचाकी मिळून आली नाही. दुचाकीचा सर्वत्र शोधाशोध केली असता दुचाकी मिळून आली नाही. अखेर त्याने दुपारी १ वाजता जळगाव शहर पोलिस ठाण्यात तक्रार दिली आहे. त्यांच्या तक्रारीवरून अज्ञात चोरट्यांवर गुन्हा दाखल करण्यात आला आहे. पुढील तपास पोलिस नाईक योगेश पाटील करीत आहे.
