जळगाव ( प्रतिनिधी ) – आज जळगाव जिल्हा युवक काँग्रेसच्या वतीने अध्यक्ष श्रीनिवासन व प्रदेशाध्यक्ष कुणाल राऊत यांच्या आदेशानुसार जिल्हाध्यक्ष देवेंद्र मराठे यांच्या नेतृत्वाखाली कांग्रेस भवन येथे महंगाईमुक्त भारत आंदोलनाअंतर्गत पेट्रोल- डिझेल- गॅसच्या रोजच्या दरवाढीमुळे वाहनांना फाशी देण्यात आली जिल्हा युवक काँग्रेसने त्या वाहनांनवर अंत्यसंस्कार करून मोदी सरकारचा निषेध केला.
केंद्रातील भाजप सरकार महागाईवर नियंत्रणात अपयशी ठरले आहे. पाच राज्यातील विधानसभा निवडणुकीत १३६ दिवस पेट्रोल, डिझेल दरवाढ रोखून निवडणुका संपताच दररोज दरवाढ केली जात आहे. युवक काँग्रेसकडून ३१ मार्चपासून राज्यभर ‘महागाईमुक्त भारत’ आंदोलनाचा सप्ताह आयोजित करण्यात आला आहे.
देवेंद्र मराठे म्हणाले की, ‘गरज सरो, वैद्य मरो’ या म्हणीसारखा भाजपाचा कारभार आहे. 8 दिवसात पेट्रोल, डिझेल 5.90 रुपये प्रति लिटर महाग झाले आहे एलपीजी गॅस सिलिंडर ५० रुपयांनी महाग झाला आहे. काही ठिकाणी एलपीजी सिलिंडर १००० ते ११०० रुपये किमतीला घ्यावा लागत आहे. सीएनजी, पीएनजी गॅस तसेच खाद्यतेलाचे दरही वाढले असून आजपासून औषधांचे दरही वाढणार आहेत. भविष्यात अशाच प्रकारे दरवाढ राहिली तर वाहन चालविणे कठीण होईल व वाहन धूळ खात पडलेले राहतील म्हणजेच एकप्रकारे ते आपल्या आयुष्यातून निघून जातील व पायी फिरण्याची वेळ येईल पेट्रोल- डिझेल दरवाढ न थांबल्यास पेट्रोल पंपावरील मोदींच्या बॅनरर्सला काळे फसण्यात येईल असा इशारा देवेंद्र मराठे यांनी दिला
या प्रसंगी युवक काँग्रेस जिल्हाध्यक्ष देवेंद्र मराठे, महानगरध्यक्ष मुजीब पटेल, सरचिटणीस डॉ शोएब पटेल, बाबा देशमुख, मुरली सपकाळे, मकसूद पटेल, हर्षल दाणी , फैजन शहा, सारफराज शहा, दीपक कोळी, युसूफ खान, फज्जू शेख ,अनिल सोळंखी, झाकीर बागवान आदी पदाधिकारी उपस्थित होते.
